لماذا يتزوج شبابنا المسلم من الاجنبيات(موضوع للنقاش)

من طرف **mohyeddin** 1/6/2007, 8:42 pm

اخواني واخواتي في الله السلام عليكم ورحمة الله وبركاته

الحمد لله رب العالمين والصلاة والسلام على اشرف الخلق سيدنا محمد خاتم الانبياء والمرسلين
وعلى اله وصحبه اجمعين اما بعد اخواني

موضوعي هو لماذا يتزوج شبابنا المسلم من الاجنبيات فقد انتشرت كثيرا ولا ادري ماذا اسميها هل هي ظاهرة ام مرض فيروسي سريع الانتشار ام انها تقليد اعمي ام ان الفتيات الاجنبيات فيهن ما ليس بفتياتنا العربيات والله لا ادري

فكثيرا من شبابنا يذهب لبلاد الاجانب بحجة الدراسه ولكن للاسف نسبة كبيرة منهم يرجع لاهله بدل ما يجيب شهادته جايب لهم مدام من بلاد الاجانب ويا ريت تكون مسلمه لا للاسف انه احيانا هو من يتبعها بدعوى حرية شخصيه او حرية اديان وهلم جره من الاعذار بل وايضا المصيبه الاكبر انه والله يا اخوان ياتي بها على انها صديقة له او بمعنى اخر girl freind

ما بدي اطول عليكم في الموضوع لكن ارجو التفاعل اخواني

من طرف Sniper Palestine 2/6/2007, 2:37 am

موضوع رائع مهم للنقاش يا محي

بس برأئي الشخصي انه شي جيد وسيء بنفس الوقت

الاول الجيد : انه لربما تسلم على يديه ويدخل بها الجنة

والثاني وهنا المشكلة اذا لم تسلم هذه الفتاة بحيث انه ابناء هذا الشاب سيحتارون ديانة من يتبعوا وهنا المشكلة ونحن مجتمع شرقي لن يرحم الجهتين في هذه الحالة حيث انه العاداتوالتقاليد ستقيد الشاب ولن يعجبهم ما ربية علي الفتاة

مشكور اخي بتمنالك التوفيق وانشاء الله اكون صائب في كلامي

لماذا يتزوج شبابنا المسلم من الاجنبيات(موضوع للنقاش) 452f988f3b0fc_Iran_Frauenrechte

مشكككككككككككككككككككككككووووووووووووووووووووووورررررر

من طرف **Tina** 2/6/2007, 7:03 am

موضوع حلو

ما بظن انو مثل مرض....
بدي أعطيكم أقرب مثال
بابا طلع وهو صغير ع أمريكا و آه تزوج هناك, واللي هي أمي
مع العلم انو أمي من أمريكا وأصلها ألمانية, وكمان كانت مسيحية
واحنا انولدنا وكانت ماما ما زالت مسيحية وبابا مسلم
و ع فكرة, انا سألت بابا كتير ليش ما تزوج وحدة مسلمة من البلاد,
بس بيضل يقولي انو امك ما كان في مثلها بكل العالم... وأكيد هاذا سبب شخصي ..

وبحب أقول لسنايبر انو انا صحيح ما عشت كتير مع أمي بس بتذكر إنو كنا نجتفل بكل الاعياد
المسيحية و المسلمة كمان, وولا عمري انا أو اخوتي احترنا أي ديانة ننقي..
صحيح لهلأ كل عيلتي بيقعدوا يعايرونا ع أمي , مع انها توفت و كمان أسلمت قبل ما تموت بفترة قصيرة...
بس ما بعرف شو الغلط من انو الشب المسلم يتزوج امرأة أجنبية...
اه وكمان شي.... أخوي قريبا رح يتزوج, وكمان مرتو مسيحية ومن أمريكا...
بس أنا رأيي انو اذا كان الشب مؤمن بالله و مؤمن بدينه.. لو شو مين ما يتزوج رح يضل ع دينه
ويجرب يهدي مرتو...
والله يهدينا كلنا....

يعطيك الف عافية يا محيي ع طرح هادا الموضوع
مشكور....

من طرف **mohyeddin** 2/6/2007, 10:07 am

باعتقادي ورأيي الشخصي

واللي شفتو بالوقت الحالي وكيف تفكير الشباب

انو الشب صارت ترهقو مطلبات ومهر البنت العربيه

وما في بنت عربيه بتقبل بأقل من غيرها

والشغله صارت مين مهرها اكثر

ومين زوجها اغنى

وشو جابلها

وشو شرالها

وقديش دهبها

في حين انو الشب العربي بيقدر يطلع يتزوج بنت اجنبيه بدبله او خاتم

وحتى بعرف في كتير شباب صحابي تزوجو اجنبيات بدون الدبله

وهاد جد سبب رئيسي ومهم واغلب الشباب العرب بيفكرو فيه

المهور المرتفعه هي السبب

للاسف صارت البنت والعائله العربيه تنظر الى المال

في حبن انو البنت الاجنبيه بتنظر الى الشخص بحد ذاتو وما بتهتم بشي اسمو مهر ولا ذهب

الموضوع يطول فيه الكلام

وبكتفي بهذا القدر لاني اعتقد اني وصلتلكم الفكره

من طرف loka alm7bob 2/6/2007, 10:55 am

مشكووووورين الجميع انا مش عارف اش بدي احكي انتو عبرتوا عن الموضوع بشكل ممتاز جدااااااااا وعن جد مشكوووووووووووورين على الموضوع الحلو وعلى اجاباتكم الافضل ...

من طرف lolo 2/6/2007, 3:27 pm

وانا رأيي من راي سنايبر ومحيي كمان كلامو صح

وعنجد كتير بشوف ناس هيك انو متلا بيتزوج وحده اجنبيه وبيجيبها هون ومرات ما بتنمي هي لدين الاسلام واكتر اللي بشوفهم بيكونو مع زوجاتهم ما بيصلو ولا بيصومو .....الخ

يسلمووووووو ايديك يا محيي عالموضوع الرائع

يعطيك الف عافيه

تحياتي lolo

من طرف ghanem 3/6/2007, 12:04 am

انا رأيي من رأي محيي لانه بالفعل المهور كبيره والطلبات من اهل البنت اكبر
مشكوووووووووووورين

من طرف Sniper Palestine 3/6/2007, 1:59 am

الفاتحة على روح امها لتينا

تحياتي للجميع بشكركم جميعا فعلا كلا على حذا ضاف رأيه في المكان الصواب بس بحب اعتذر من تينا على وجه الخصوص ومن اللي فهم كلامي بطريقة خاطئة انا ما قصدت شي باختيار الديانة او الحيرة فيها عند الكبر والبلوغ مؤكد بانه سيتبع ديانة الاب وهنا اشير بان الوالد مسلم لكن لو حدث لا سمح الله ان الاب توفي بتلقائيا الاولاد سوف يتبعون ديانة الام ارجو ان اكون وضحت سوء الفهم للجميع وبعتذر من تينا متمنيا من الله سبحانة وتعالي رحمته يوالدتك واسكانها فسيح جناته

الله يرحمها ويرحمنا برحمته

من طرف Guevara 7/6/2007, 9:44 pm

انا بصراحة رأي من رأي محيي
لان بعد ما قرأت الموضوع لقيت الردود زي ما كنت بدي اكتب
يعطيكم العافية جميعاً

من طرف **!! الـ$ـعــ$ـقــ$ـربــ !!** 22/7/2007, 6:23 pm

أنا أضم رأيي لمحيي في نقطة غلاء المهور لكن مش بس غلاء المهور
يعني هي جزء مهم كتير لكن لو تطلعنا حولنا بنلاقي أمثلة أخرى في المجتمع ومنها ..

معظم الطلاب اللي بيدرسو في الخارج بتلاقيه روح ومعاه مرته الأجنبية وهدول الطلاب معظمهم بيتزوج عشان يحفظ نفسه من الإغراءات الموجودة في بلاد الغرب أو ممكن يكون تعرف عليها في الجامعة معاه وحبها بجد وممكن يكون تزوج فيها من أجل الحصول على الجنسية وفتح آفاق أكبر للعمل بعد التخرج في تلك البلاد
وهادا السبب الأخير ممكن يكون هو الدافع الأكبر للشاب العادي اللي ما درس في الخارج لكن ربما يفكر في البحث عن بداية حياة أخرى بعيداً عن مشاكل البلاد والكساد الإقتصادي وكثرة البطالة وبالتالي بيحاول الشب انو يتزوج من فتاة أجنبية من أجل الحصول على جنسية أجنبية وبالتالي يستطيع العيش والعمل في تلك البلاد بدون خوف من انتهاء الإقامة والتهجير أو ما إلى ذلك

لماذا يتزوج شبابنا المسلم من الاجنبيات(موضوع للنقاش)

لماذا يتزوج شبابنا المسلم من الاجنبيات(موضوع للنقاش)

رد: لماذا يتزوج شبابنا المسلم من الاجنبيات(موضوع للنقاش)

رد: لماذا يتزوج شبابنا المسلم من الاجنبيات(موضوع للنقاش)

رد: لماذا يتزوج شبابنا المسلم من الاجنبيات(موضوع للنقاش)

رد: لماذا يتزوج شبابنا المسلم من الاجنبيات(موضوع للنقاش)

رد: لماذا يتزوج شبابنا المسلم من الاجنبيات(موضوع للنقاش)

رد: لماذا يتزوج شبابنا المسلم من الاجنبيات(موضوع للنقاش)

رد: لماذا يتزوج شبابنا المسلم من الاجنبيات(موضوع للنقاش)

رد: لماذا يتزوج شبابنا المسلم من الاجنبيات(موضوع للنقاش)

رد: لماذا يتزوج شبابنا المسلم من الاجنبيات(موضوع للنقاش)