هل تريد أن تعرف بمــاذا يفكر الأعضاء في المنتدى

من طرف ملاكي 9/5/2007, 12:35 am

أعزائي كل من فى النتدى الجميل هذا ..

جلست كثيراً أفكر ما هو الشيء الجديد الذي أستطيع أن أضيفه في منتدانا وبه يزداد ترابطنا أكثر فاكثر...

/

قلت لماذا لا أطرح بعض من الأسئلة التي قد تراود تفكير جميع من فى المجلس وتراود تفكيري أيضاً , بها أستطيع ويستطيع الأخرين أن يعلموا ما قد أجهله و يجهله غيري

/

فنسقت هذه الأسئلة التالية:
ولكن الأمانه الأمانه في الإجابه ... وأرجوا عدم التهرب الدبلوماسي الذي أعهده فيكم أخوتي الكرام...

/

حسناً .. فالنبدأ...

/

1- ما هو الأسم الذي تحب أن يناديك به الآخرون ؟ ولماذا؟

2- هل وجدت أنك حققت شيئاً مفيداً لك وللآخرين بعدما أشتركت فى المنتدى؟ وما هو هذا الشيء؟

3- ماذا تقول لعضو قد إنتقد مشاركتك بشكل ظريف ولكنك أحسست أن نقده قد ضايقك قليلاً ؟

4- ماذا تقول لعضو قد إنتقد عملك الذي قمت بتقديمه بشكل سيء جعلك تغضب ليس قليلاً فقط بل كثيراً ؟

5- ماذا لو أنك المشرف على المنتدى ما فما هو المنتدى الذي تحب الإشراف عليه وما هو الشيء الجديد الذي تحب أن تقدمه للمنتدى؟

6- ماذا لو أنك عضو جديد ولا تلاقي الترحيب من المنتدى... فماذا سيكون ردك على الأعضاء؟

7- ما هو شعورك عندما يثني عليك عضو من أعضاء المنتدى ثناءاً جميلاً رقيقاً سخياً ويطلب منك المزيد؟ وماذا تحب أن تقول له؟

8- هل أنت سعيد لإنضمامك في المنتدى ؟

9- هل تصاب بخيبة الأمل عندما لا تجد رداً على مشاركتك؟ وما هو مداها؟

10- أخيراً وليس آخراً ماهو السؤال الذي توقعت أن أطرحه عليكم ولم أقم بذلك ؟وما هو السؤال الذي تحب أن توجهه لي؟

أرجو أن تنال المشاركه أعجابكم كما أتمنى أن أجد المشاركات الفعاله وأتمنى أن لا تكونوا قد عانيتم كثيراً معي ...
وسأنتظر ردودكم على أحر من الجمر

"ملاكي"
/

من طرف Ansam 9/5/2007, 9:42 am

انا رح ابلش الاجابة يا ملاكي

1.اسمي انسام وبحبه كتير وبحب الناس ينادوني فيه كتير( بس المقربين مني جداً بحب ينادوني باسم الدلع الي مش رح اقوله هون)
2. نوعاً ما حققت بتقديمي المواضيع التي بها الفائدة والنصيحة واتمنى ان اقدم اكثر
3. كل انسان له رأي في هذه الحياة فإذا اتفقت معك يا ملاكي في موقف ما ليس من الضرورة ان نتفق في موقف اخر لكل عضو رأيه ولكل عضو تفكيره .
4. سأبقى الغضب بيني وبين ذاتي لانه ليس من الحضاري ابدا ان اظهر غضبي واعلنه ولو بأبسط الكلمات عبر شبكة الانترنت لأن اود ان احافظ على صورتي جميلة طيبة امام جميع الاعضاء. وكل ما سأرد به عليه سامحك الله.
5. المنتدى الي بحب اشرف عليه همه (2) الاول منتدى الصبايا والازياء لانه في مجال تخصص دراستي الاولى تصميم الازياء وبحب اقدم كل شي جديد في عالم الازياء بالاضافة الى الديكور والتصاميم المنتدى الثاني هو منتدى الادب بس بحب اقدم فيه كل شي عن كاتبي المفضل جبران خليل جبران (لروعة فلسفته في الحياة) ويكون مثبت وملخص عن الرويات الرائعة العالمية حتى تكون السبب في تحفيز الاعضاء على القراءة
6. ابداً يكفيني ترحيت ادارة المنتدى فهوة بنظري ترحيب عن كل الاعضاء( والكبار ما بيحكوا معهم غير الكبارهههه).
7. الحقية هذا السؤال الاجابة عليه صعبة لانه فعلا عندما ارى الردود على موضوعاتي افرح جدا جدا لانها كلها ردود رائعة ولكن من فرحى يتناثر الكلام متطايراً كفراش الربيع هارباً فلا تكون مني الا كلمة الشكر وهنا اود ان انوه ان شكرا وامتناني للاعضاء جميعا على ردودهم رغم انها كلمة صغيرة الا انها من اعماق قلبي وتحمل معها الكثير من المعاني التي لم استطع التعبير عنها.
8. جداً جداً وهذه المرة الاولى التي اشارك فيها في منتدى لأقدم كما اخد فرحة جدا وفرحة اكثر بتواجد الاعضاء الرائعين.
9. لا ابدا لاني اعلم انه من الممكن ان الموضوع الذي اراه انا مهم لا يراه الاخرون مهم من وجه نظرهم لذا لا يجدون الرغبة في الردود (عاااااااااااااادي بس مش تصدقوا يا شباب وصبايا وتبطلوا تردوا على المواضيع).
10. السؤال الذي اتمنى لو طرحته يا ملاكي اثنان وهما الاول: ما هو مدى أملك في المنتدى (يعني كيف ترى صورة المنتدى بعد عام) ؟ والثاني : وما هو المنتدى او القسم الذي تود ان يضاف الى المنتدى، وساجيب اراه منتدى فلسطيني يحمل مشاركات من كل انحاء العالم
والسؤال الثاني اتمنى ان يكون هناك قسم نحكي فيه عن اجمل واحلى بلد في الكون فلسطين رغم كل ما يعيشه من مأسي.يحكي التاريخ والحاضر ويتنبأ بالمستقبل.

وبهيك بتكون اجوبتي انتهت يا ملاكي

بشكرك جدا جدا على الفكرة الرائعة مع حبي وتقديري واحترام

تحياتي drunken

10

من طرف **!! الـ$ـعــ$ـقــ$ـربــ !!** 9/5/2007, 9:01 pm

موضوع رائع ومميز جداً

يسلمو ايديكي يا ملاكي عالجهد المبذول
ويعطيكي ألف ألف عافية

تم الثبيت والنقل إلى نادي الأعضاء

ولي رجعة للإجابة على الأسئلة

معــ أرقـ تحياتــ
!! الـ$ـعــ$ـقــ$ـربــ !!

من طرف **!! الـ$ـعــ$ـقــ$ـربــ !!** 9/5/2007, 10:05 pm

1- ما هو الأسم الذي تحب أن يناديك به الآخرون ؟
إسمي رضا .. وانا أحبه .. وبين الأصدقاء ينادوني رودي(Rudi) وهو أيضا أحبه ..
لكن في الفترة الأخيرة أفضل أن ينادوني بكنيتي والتي هي "أبو خضر"
ولماذا؟
إستبشاراً بقدوم خضر .. وبما إنو إم خضر لسا ما أجت فإذن استبشاراً بقدوم إم خضر ...

2- هل وجدت أنك حققت شيئاً مفيداً لك وللآخرين بعدما أشتركت فى المنتدى؟
إن شاء الله أكون قد حققت ولو مقدار بسيط يفيد المنتدى ..
وما هو هذا الشيء؟
مؤخرا عملنا أنا والأخ محيي على تغيير الستايل إلى هذا الشكل الحالي
وبتمنى يكون نال على رضاكم وإعجابكم

3- ماذا تقول لعضو قد إنتقد مشاركتك بشكل ظريف ولكنك أحسست أن نقده قد ضايقك قليلاً ؟
بدون دبلوماسية .. ولكن الحمد لله حتى الآن لم أتعرض لهذا الموقف هنا
لكن في حال تعرضت لمثله فسوف أحاول تجاهله

4- ماذا تقول لعضو قد إنتقد عملك الذي قمت بتقديمه بشكل سيء جعلك تغضب ليس قليلاً فقط بل كثيراً ؟
بعطيه بند وبطيره من المنتدى .. خخخخخخخخخخخخخخخ بمزح طبعا
بس أكيد إذا كان أسلوبه غير لائق راح أحطه تحت المراقبة وإذا كررها مع أعضاء تانيين ..
راح نعطيه تحذير في البداية ثم الطرد إذا ركب راسه واستمر في مضايقة الأعضاء بأسلوب غير لائق
وإذا ما كنت في الإدارة راح أبلغ عنه الإدارة عشان يتصرفو معاه التصرف المناسب

5- ماذا لو أنك المشرف على المنتدى ما فما هو المنتدى الذي تحب الإشراف عليه ؟
بشكل عام بفضل تكون وظيفتي فنية وإدارية لأنو بحس انو ممكن أخدم المنتدى من خلالها أكتر من كوني مشرف في قسم معين
وما هو الشيء الجديد الذي تحب أن تقدمه للمنتدى؟
كل شي بقدر عليه عشان نوصل بالمنتدى للعالمية بإذن الله ...

6- ماذا لو أنك عضو جديد ولا تلاقي الترحيب من المنتدى... فماذا سيكون ردك على الأعضاء؟
شخصيا كان الترحيب سخي جدا خصوصا من حبيبي محيي ومن باقي الأعضاء اللي تشرفت بزمالتهم في المنتدى
وانا بعتبر حالي لما اكون في المنتدى بين أهلي وناسي خصوصا انو معظم الأعضاء تربطني فيهم علاقة صداقة حقيقية في الواقع

7- ما هو شعورك عندما يثني عليك عضو من أعضاء المنتدى ثناءاً جميلاً رقيقاً سخياً ويطلب منك المزيد؟
أكيد شعور رائع جدا ... شعور بالفخر والسعادة لأني قدرت أنال إعجاب هذا العضو
وماذا تحب أن تقول له؟
ألف ألف شكر لكل من أثنى علي وأخصّ بالذكر أخي وحبيبي محيي وإن شاء الله أكون على قدر المسؤولية

8- هل أنت سعيد لإنضمامك في المنتدى ؟
جدا جدا جدا ... وسعيد أكتر إنو حبايبي وأصدقائي انضمو معي وعم يشاركو ويثبتو نفسهم

9- هل تصاب بخيبة الأمل عندما لا تجد رداً على مشاركتك؟ وما هو مداها؟
أنا ما بهتم بالردود كتير بس المهم انو الموضوع يلاقي انتشار وإطلاع من أكبر عدد معين من الأعضاء

10- أخيراً وليس آخراً ماهو السؤال الذي توقعت أن أطرحه عليكم ولم أقم بذلك ؟
كيف وصلت للمنتدى ... عن طريقة دعوة من أحد الأعضاء أو من خلال النشرات البريدية أو بالصدفة خلال بحث في جوجل أو ماذا ؟؟
وما هو السؤال الذي تحب أن توجهه لي؟
كنت بدي أوجهلك نفس السؤال بس أنا بعرف الإجابة عليه ..
عشان هيك بدي أسألك .. شو أكتر شي عجبك في المنتدى بشكل عام ؟؟

بالنهاية ..
تفضلي بقبول فائق الود والإحترام
معــ أرقــ تحياتــ
!! الـ$ـعــ$ـقــ$ـربــ !!

من طرف ghanem 9/5/2007, 11:25 pm

يسلمو ايديكي يا ملاكي على الموضوع الرائع
مشكووووووووووووووووووووووووره

من طرف ملاكي 9/5/2007, 11:54 pm

يسلموا كتير على اجابتك الرائعه يا رضا
واكترشي اعجبني في المنتدى؟؟؟ قسم الصبايا وقسم همسة خواطر
"مع تحياتي "
"ملاكي"

من طرف ملاكي 9/5/2007, 11:55 pm

تحياتي لك يا انسام ولك مني كل الشكر على اجابتك الرائعه والصريحه
"ملاكي"

من طرف **Tina** 10/5/2007, 12:52 am

موضوع حلو كتير
وهي اجاباتي

1- ما هو الأسم الذي تحب أن يناديك به الآخرون ؟ولماذا؟
اسمي الحقيقي فاطمة, بس بحب العزيزين علي يقولولي فطوم, بس أكيد الاسم المفضل انو ينادوني فيه هو تينا, لأنو كتير بيعنيلي هاذا الاسم, بما انها امي (رحمة الله عليها) كانت تناديني فيه..

2- هل وجدت أنك حققت شيئاً مفيداً لك وللآخرين بعدما أشتركت فى المنتدى؟ وما هو هذا الشيء؟
ان شالله اكون زدت خبرتهم باللغة الانجليزية, وسليتهم نوعا ما, وان شالله افيدهم بمواضيع جديدة قريبا..

3- ماذا تقول لعضو قد إنتقد مشاركتك بشكل ظريف ولكنك أحسست أن نقده قد ضايقك قليلاً ؟
هو لهلأ ما صارت معي, بس لوقتها بيحلها الحلال, بس ع الاغلب بطقعلو..

4- ماذا تقول لعضو قد إنتقد عملك الذي قمت بتقديمه بشكل سيء جعلك تغضب ليس قليلاً فقط بل كثيراً ؟
والله هو حرّ بالاخر, كل واحد والو رأيو, بس اذا كتيييييير ضايقني بشكيه لرضا وبخليه يفقعوا.. ههههه

5- ماذا لو أنك المشرف على المنتدى ما فما هو المنتدى الذي تحب الإشراف عليه وما هو الشيء الجديد الذي تحب أن تقدمه للمنتدى؟
بما اني هلأ مشرفة ع كم من منتدى, هم الصراحة عاجبينني واكتر شي عاجبني هو اشرافي ع المنتدى العالمي مع انو للأسف ما في اشتراكات كتيرة فيه, بس أكيد بفضل اكون مشرفة ع أي منتدى بيضم اللغة الانجليزية و الترفيه ايضا.

6- ماذا لو أنك عضو جديد ولا تلاقي الترحيب من المنتدى... فماذا سيكون ردك على الأعضاء؟
انا كنت عضو جديدة بس كتير رحبوا فيي الاعضاء البقية وبشكرهم كتير كتير, خصوصا انو مثل ما قال رضا, انو احنا بنحس حالنا بين اهلنا و حبايبا , بما إنا اصدقاء في الحياة العادية.. كلهم حبايبي.

6- ماذا لو أنك عضو جديد ولا تلاقي الترحيب من المنتدى... فماذا سيكون ردك على الأعضاء؟
رح احاول الفت نظرهم بطريقة أو بأخرى, لعبين ما غصبن عنهم يرحبوا فيي.. ههههههههه

7- ما هو شعورك عندما يثني عليك عضو من أعضاء المنتدى ثناءاً جميلاً رقيقاً سخياً ويطلب منك المزيد؟ وماذا تحب أن تقول له؟
اول شي بعطيه وبعطي كل الموجودين مواضبع جديدة عشان أضل عند حسن ظنهم, بس اكيد بكون مبسوطة اني اعجبت الاشخاص اللي حوالي, وبحاول اشكرهم قد ما بقدر من خلال الردود

8- هل أنت سعيد لإنضمامك في المنتدى ؟
كتير كتير كتير كتير.. الصراحة المنتدى هاي كتير مسلي

9- هل تصاب بخيبة الأمل عندما لا تجد رداً على مشاركتك؟ وما هو مداها؟
لا.. بس بحاول أغير نوع المواصيع اذا لقيت انو ما في ردود, عشان أعرف شو أكتر شي بيلفت الانتباه

10- أخيراً وليس آخراً ماهو السؤال الذي توقعت أن أطرحه عليكم ولم أقم بذلك ؟وما هو السؤال الذي تحب أن توجهه لي؟
السؤال اللي طق في بالي هو, شو اكتر منتدى جذبك بمواضيعوا, وكمان مين العضو اللي مواضيعوا بيسلوك اكتر شي..
وانا بوحهلك هاي الاسئلة يا احلى ملاك...

وخلص خلصت

مشكورة يا حلوة

TiNa

من طرف ملاكي 10/5/2007, 2:25 am

يسلمو كتير يا تينا على اجاباتك الرائعه والجميله
اكتر منتدى جذبني بمواضيعوا منتدى لحن الغرام
مين العضو اللي مواضيعوا بيسلوني اكتر شي
طبعا انتي والعقرب وانسام ود.طبيعي
مع تحياتي لكم جميعاً
"ملاكي"

من طرف ملاكي 10/5/2007, 10:22 am

سو ري نسيتك يا محي مواضيعك الي بتنزلها كتير بتعجبني
مع تحياتي
"ملاكي"

من طرف ranoosh 21/5/2007, 11:31 am

1
اول شي يسلمو يا ملاكي عالاسئله الحلوه..اللي بتئرب بين الاعضاء..
وبتخلينا متل اسره وحده ونتعرف على بعض اكتر..
رح ابدا اجاباتي..

1- ما هو الأسم الذي تحب أن يناديك به الآخرون ؟ ولماذا؟
اسمي رانيا وبحب ينادوني باسمي..بس عاده بفضل بالمنتديات ينادوني باسم رنوش..

2- هل وجدت أنك حققت شيئاً مفيداً لك وللآخرين بعدما أشتركت فى المنتدى؟ وما هو هذا الشيء؟
بصراحه انا لسه جديده هون ولسا ما حسيت اني ئدمت الشي المفيد لسا..
يعني لسا بحاول اتعرف عليكم اكتر واعرف شو اللي بيعجبكم..لائدم الشي اللي بيناسبكم وبيعجبكم..

3- ماذا تقول لعضو قد إنتقد مشاركتك بشكل ظريف ولكنك أحسست أن نقده قد ضايقك قليلاً ؟
طبعا بتئبل الانتقاد وبرحب فيه..حتى لو دايئني..لانو اكيد لمصلحتي..

4- ماذا تقول لعضو قد إنتقد عملك الذي قمت بتقديمه بشكل سيء جعلك تغضب ليس قليلاً فقط بل كثيراً ؟
بصراحه بمره سارت معي بمنتدى تاني..كان الانتقاد بصوره مزعجه ومو لصميم الموضوع اللي ئدمتو..ما كان فيني الا حزفت ردو..وبعتلو رساله خاصه بس بادب انو مو هيك الانتقاد بيكون..

5- ماذا لو أنك المشرف على المنتدى ما فما هو المنتدى الذي تحب الإشراف عليه وما هو الشيء الجديد الذي تحب أن تقدمه للمنتدى؟
انا بحب قسم الحوارت الجاده..ومحيي عيني مشرفه فيه بدون ما اعرف بس فعلا عاده هادا اكتر قسم بحبو..
وحابه اقدم للمنتدى نقاشات كتيره واحاول اني ما افيد واستفيد..واكون خفيفه ومو ممله..

6- ماذا لو أنك عضو جديد ولا تلاقي الترحيب من المنتدى... فماذا سيكون ردك على الأعضاء؟
انا فتت للمنتدى لا احم ولا دستور وبديت اشارك واتعرف على الاعضاء..وطبعا ردودكم وتعليئاتكم على مواضيعي هي بعتبرها احلا ترحيب..

7- ما هو شعورك عندما يثني عليك عضو من أعضاء المنتدى ثناءاً جميلاً رقيقاً سخياً ويطلب منك المزيد؟ وماذا تحب أن تقول له؟
طبعا بيسعدني هادا الشي..وبحاول دايما اكون افضل واقدم شي اكتر ومميز لكون عند حسن ظن الجميع..

8- هل أنت سعيد لإنضمامك في المنتدى ؟
اكيد بيسعدني انضمامي لهادا المنتدى..وحاسستكم كلكم عيله وحده ومتحابه..وبتمنا تئبلوني بينكم..

9- هل تصاب بخيبة الأمل عندما لا تجد رداً على مشاركتك؟ وما هو مداها؟
اه اكيد بيدايئني ما الائي حدا بيرد على موضوعي..لانو عاده بيدل اما عدم ترحيب او الموضوع مو كل هادا..
يعني ممكن اجرب انزل تاني موضوعين واحاول اختار مواضيع احسن..بس اذا تكرر التجاهل وعدم الردود بنسحب من المنتدى..(طبعا مو تهديد هادا)

10- أخيراً وليس آخراً ماهو السؤال الذي توقعت أن أطرحه عليكم ولم أقم بذلك ؟وما هو السؤال الذي تحب أن توجهه لي؟
توقعت تسالي كل شخص من وين هو ووين ساكن..لنتعرف على بعض اكتر..
والسؤال اللي بوجهلك اياه انو شو بيعنيلك هادا المنتدى بوجهه نظرك..؟؟
وبتمنى ما كون تئلت باجاباتي..
وفرصه سعيده اني التئيت فيكم بهادا المنتدى الرائع..اللي فيه كل الاحترام والجو الاسري..ودمتم بالف خير جميعا..

هل تريد أن تعرف بمــاذا يفكر الأعضاء في المنتدى Www.uaekeys.com36

هل تريد أن تعرف بمــاذا يفكر الأعضاء في المنتدى Www.uaekeys.com36

من طرف Sniper Palestine 21/5/2007, 4:48 pm

مشكورة ملاكي بس اكيد رح اعطيكي اجاباتي في وقت آخر

ما في وقت اكمل اجاباتي هلأ لانه لازم اطلع على جنين بسبب طبيعة عملي واكيد اللي بعرفني بعرف شو هو عملي

في وقت اخر الرد

مشكورة على جهودك الرائعة

من طرف The General 11/8/2007, 11:13 pm

1- ما هو الأسم الذي تحب أن يناديك به الآخرون ؟ ولماذا؟

الجنرال.....لاني تعودت عليه في الانترنت

2- هل وجدت أنك حققت شيئاً مفيداً لك وللآخرين بعدما أشتركت فى المنتدى؟ وما هو هذا الشيء؟

لا اعرف ان كنت قد قدمت!!!

ولكني اتمنى ان اكون قد قدمت شي مفيد

3- ماذا تقول لعضو قد إنتقد مشاركتك بشكل ظريف ولكنك أحسست أن نقده قد ضايقك قليلاً ؟

الله يسامحك

4- ماذا تقول لعضو قد إنتقد عملك الذي قمت بتقديمه بشكل سيء جعلك تغضب ليس قليلاً فقط بل كثيراً ؟

برضو الله يسامحك

5- ماذا لو أنك المشرف على المنتدى ما فما هو المنتدى الذي تحب الإشراف عليه وما هو الشيء الجديد الذي تحب أن تقدمه للمنتدى؟

المنتدى الرياضي...واحب ان اقدم الاخبار اول باول للبقاء على دراية بآخر الاخبار الرياضية

6- ماذا لو أنك عضو جديد ولا تلاقي الترحيب من المنتدى... فماذا سيكون ردك على الأعضاء؟

حصلت معي اكثر من مرة ولكن ليس في هذا المنتدى الحمد لله

7- ما هو شعورك عندما يثني عليك عضو من أعضاء المنتدى ثناءاً جميلاً رقيقاً سخياً ويطلب

منك المزيد؟ وماذا تحب أن تقول له؟

بشكره على الثناء وبتزداد معزتي اله

8- هل أنت سعيد لإنضمامك في المنتدى ؟

طبعااااا

9- هل تصاب بخيبة الأمل عندما لا تجد رداً على مشاركتك؟ وما هو مداها؟

مرات ...قليلا

10- أخيراً وليس آخراً ماهو السؤال الذي توقعت أن أطرحه عليكم ولم أقم بذلك ؟

لا اعرف

وما هو السؤال الذي تحب أن توجهه لي؟

لا يوجد

____

يسلمو يا ملاكي ع الموضوع

تحياتي لك

من طرف ملاكي 14/8/2007, 9:57 am

مشكوووووووووور

يا جنرال على

مرورك العطر

مع تحياتي لك

من طرف The Monster 21/8/2007, 8:23 pm

1- ما هو الأسم الذي تحب أن يناديك به الآخرون ؟ ولماذا؟
مهند , لاته اسمي الحقيقي
2- هل وجدت أنك حققت شيئاً مفيداً لك وللآخرين بعدما أشتركت فى المنتدى؟ وما هو هذا الشيء؟
لا أعرف
3- ماذا تقول لعضو قد إنتقد مشاركتك بشكل ظريف ولكنك أحسست أن نقده قد ضايقك قليلاً ؟
طز
4- ماذا تقول لعضو قد إنتقد عملك الذي قمت بتقديمه بشكل سيء جعلك تغضب ليس قليلاً فقط بل كثيراً ؟
بغلط عليه
5- ماذا لو أنك المشرف على المنتدى ما فما هو المنتدى الذي تحب الإشراف عليه وما هو الشيء الجديد الذي تحب أن تقدمه للمنتدى؟
ولا اشي
6- ماذا لو أنك عضو جديد ولا تلاقي الترحيب من المنتدى... فماذا سيكون ردك على الأعضاء؟
بدهاش سؤال ....
7- ما هو شعورك عندما يثني عليك عضو من أعضاء المنتدى ثناءاً جميلاً رقيقاً سخياً ويطلب منك المزيد؟ وماذا تحب أن تقول له؟
بشكره
8- هل أنت سعيد لإنضمامك في المنتدى ؟
مش كتير
9- هل تصاب بخيبة الأمل عندما لا تجد رداً على مشاركتك؟ وما هو مداها؟
لا
10- أخيراً وليس آخراً ماهو السؤال الذي توقعت أن أطرحه عليكم ولم أقم بذلك ؟وما هو السؤال الذي تحب أن توجهه لي؟
ولا اشي

من طرف (( Eman )) 29/8/2007, 12:43 am

1- ما هو الأسم الذي تحب أن يناديك به الآخرون ؟ ولماذا؟
ايمان
2- هل وجدت أنك حققت شيئاً مفيداً لك وللآخرين بعدما أشتركت فى المنتدى؟ وما هو هذا الشيء؟
اظن اني زعلت بعض الاعضاء مني ولكني بعتذرلهم وهم الجنرال وكريدانس
3- ماذا تقول لعضو قد إنتقد مشاركتك بشكل ظريف ولكنك أحسست أن نقده قد ضايقك قليلاً ؟
سامحك الله
4- ماذا تقول لعضو قد إنتقد عملك الذي قمت بتقديمه بشكل سيء جعلك تغضب ليس قليلاً فقط بل كثيراً ؟
بشكيه للإدارة
5- ماذا لو أنك المشرف على المنتدى ما فما هو المنتدى الذي تحب الإشراف عليه وما هو الشيء الجديد الذي تحب أن تقدمه للمنتدى؟
بحب اشرف على التسلية واحط مواضيع جديدة
6- ماذا لو أنك عضو جديد ولا تلاقي الترحيب من المنتدى... فماذا سيكون ردك على الأعضاء؟
لاشي.لان احدا لم يرحب بي الا الجنرال
7- ما هو شعورك عندما يثني عليك عضو من أعضاء المنتدى ثناءاً جميلاً رقيقاً سخياً ويطلب منك المزيد؟ وماذا تحب أن تقول له؟
اشكره جزيل الشكر لانه بيكون رفع من معنوياتي
8- هل أنت سعيد لإنضمامك في المنتدى ؟
نعم
9- هل تصاب بخيبة الأمل عندما لا تجد رداً على مشاركتك؟ وما هو مداها؟
نعم...قليللا
10- أخيراً وليس آخراً ماهو السؤال الذي توقعت أن أطرحه عليكم ولم أقم بذلك ؟وما هو السؤال الذي تحب أن توجهه لي؟
في الواقع لم اتوقع سؤالا

يسلمو اديك يا ملاكي على الموضوع

من طرف @ Deco @ 30/8/2007, 8:23 pm

1- ما هو الأسم الذي تحب أن يناديك به الآخرون ؟ ولماذا؟
جعفر
2- هل وجدت أنك حققت شيئاً مفيداً لك وللآخرين بعدما أشتركت فى المنتدى؟ وما هو هذا الشيء؟
لا
3- ماذا تقول لعضو قد إنتقد مشاركتك بشكل ظريف ولكنك أحسست أن نقده قد ضايقك قليلاً ؟
مش عاجبو يبلط البحر
4- ماذا تقول لعضو قد إنتقد عملك الذي قمت بتقديمه بشكل سيء جعلك تغضب ليس قليلاً فقط بل كثيراً ؟
الله ياخدك يا بعيد
5- ماذا لو أنك المشرف على المنتدى ما فما هو المنتدى الذي تحب الإشراف عليه وما هو الشيء الجديد الذي تحب أن تقدمه للمنتدى؟
الرياضة
6- ماذا لو أنك عضو جديد ولا تلاقي الترحيب من المنتدى... فماذا سيكون ردك على الأعضاء؟
لا شيء لانهم
7- ما هو شعورك عندما يثني عليك عضو من أعضاء المنتدى ثناءاً جميلاً رقيقاً سخياً ويطلب منك المزيد؟ وماذا تحب أن تقول له؟
مشكور
8- هل أنت سعيد لإنضمامك في المنتدى ؟

مش كتير
9- هل تصاب بخيبة الأمل عندما لا تجد رداً على مشاركتك؟ وما هو مداها؟
نعم....كثيرا
10- أخيراً وليس آخراً ماهو السؤال الذي توقعت أن أطرحه عليكم ولم أقم بذلك ؟وما هو السؤال الذي تحب أن توجهه لي؟
ما هو اكثر قسم تحبه

من طرف نور 30/8/2007, 9:52 pm

1- ما هو الأسم الذي تحب أن يناديك به الآخرون ؟ ولماذا؟

انا احب اسم نور في المنتدى ، اما في حياتي لا استطيع ذكر اسمي اعذروني .

2- هل وجدت أنك حققت شيئاً مفيداً لك وللآخرين بعدما أشتركت فى المنتدى؟ وما هو هذا الشيء؟

اكيد كتبت مواضيع مفيده وبتمنى تكون فادت وخاصه في المنتدى الاسلامي.

3- ماذا تقول لعضو قد إنتقد مشاركتك بشكل ظريف ولكنك أحسست أن نقده قد ضايقك قليلاً ؟

ما بعرف حسب نوع النقد برد .

4- ماذا تقول لعضو قد إنتقد عملك الذي قمت بتقديمه بشكل سيء جعلك تغضب ليس قليلاً فقط بل كثيراً ؟

بصراحه حصل معي مثل هيك وزعلت شوي مش كتير ، انا برد على كلامه وما بهمني مين بكون .

5- ماذا لو أنك المشرف على المنتدى ما فما هو المنتدى الذي تحب الإشراف عليه وما هو الشيء

الجديد الذي تحب أن تقدمه للمنتدى؟

بحب المنتدى البشرف عليه وبحب كمان اشرف على المنتدى الاسلامي .

6- ماذا لو أنك عضو جديد ولا تلاقي الترحيب من المنتدى... فماذا سيكون ردك على الأعضاء؟

بصراحه ما في حدا رحب بوجودي في المنتدى عدا محيي برساله خاصه لانه المدير مع انه كان

نفسي ترحيب في المنتدى

7- ما هو شعورك عندما يثني عليك عضو من أعضاء المنتدى ثناءاً جميلاً رقيقاً سخياً ويطلب منك المزيد؟ وماذا تحب أن تقول له؟

اكون بمنتهى السعاده واشكر له رده الرائع.

8- هل أنت سعيد لإنضمامك في المنتدى ؟

اكيد ، وبطمح للترقيه ههههههه .

9- هل تصاب بخيبة الأمل عندما لا تجد رداً على مشاركتك؟ وما هو مداها؟

اكيد بكون في منتهى الحزن وخاصه انه ما بلاقي اقبال على مواضيعي

10- أخيراً وليس آخراً ماهو السؤال الذي توقعت أن أطرحه عليكم ولم أقم بذلك ؟

السؤال: ما هو القسم الذي تتمنى ان لا يكون في هذا المنتدى؟؟

الاجابه: اقسام الافلام والاغاني.

؟وما هو السؤال الذي تحب أن توجهه لي؟

انا بفضل اسألك لما اشوفك او على الماسنجر حبيبتي ملاكي

كيف وصلت للمنتدى ... عن طريقة دعوة من أحد الأعضاء أو من خلال النشرات البريدية أو بالصدفة

خلال بحث في جوجل أو ماذا ؟؟

هذا سؤال العقرب رح اجاوبه : انا جيت على المنتدى عن طريق الجنرال اخي .

بشكرك ملاكي على الموضوع الرائع وبتمنالك حياة سعيده من كل قلبي

من طرف shadisunqrot 3/9/2007, 9:23 pm

بتمنى اشارك في الموضوع بس علشان انا جديد ع المنتدى وما بشارك كتيير رح اجاب ع سؤال واحد وهو الاسم المفضل
اسمي المفضل هو شادي وبحبه كتيير ودايما وبكل حال بحب الكل يناديني باسمي
بس عن جد موضوع كتيير رائع بس بتمنى لو فقي اسئلة كتر بس تكون عامة عن شخصية كل واحد وما بتخص المشترك بالمنتدى بس بتخص شخصيته الخاصة في الحياة العامة بشكمل عام
شكرا كتيييييير
shadi

من طرف ملاكي 4/9/2007, 7:56 pm

مشكور يا مهند على مرورك العطر

مع تحياتي لك

من طرف ملاكي 4/9/2007, 7:57 pm

مشكوره يا ايمان على مرورك الطيب

مع تحياتي لكي

من طرف ملاكي 4/9/2007, 7:59 pm

مشكور ديكو على المرور العطر

اما السؤال الي سألتني اياه اي قسم بحب فأنا بحب قسم همسة خواطر

مع تحياتي لك ديكوووووووووو

من طرف ملاكي 4/9/2007, 8:00 pm

مشكوره حبيبت قلبي نور على المرور العطر

مع تحياتي لكي

من طرف ملاكي 4/9/2007, 8:04 pm

مشكور شادي على المرور العطر

واهلا وسهلا بك في منتدى الامه كفي نت

مع تحياتي

هل تريد أن تعرف بمــاذا يفكر الأعضاء في المنتدى

هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

بعتذر راحت علي اليوم

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى

رد: هل تريد أن تعرف بمــاذا يفكر الأعضاء في المنتدى