أضــــــــــمـــك

فتح شبابيك الغلا جيتك اليوم"
بحساس من زود الغلا وده يطير"
جيتك مثل طفل له أيام محروم"
عن حضن امه أبعدته المقادير"
وجيتك مثل عودن له أيام مهموم"
وده يلاقي باآخر العمر تقدير"
وجيتك حضن عاشق وهيام مغروم"
وده يضمك لين تصبح على خير"
متى تحس أن الهوى شي مقسوم"
من قسمة الخالق على خلقه يصير"
متى تحس اني لك أطيح وأقوم"
وأتعب على شانك وأقدرك وأغير"
لي في هواك أحلام وآمال وعلوم"
وأحزاب وأصحاب وقصيد وجماهير"
وهموم وأفكار وهواجيس وحلوم"
ودروب وأخطار وعذاب ومشاوير"
وحب وغلا وإخلاص ومعاند ولوم"
واحساس وإلهام وشعور وتفاكير"
وصحبة سهر ومقاطعة لذة النوم"
وأشواق جياشه وعشق وتعابير"
في ذمتك مابان لك شي مكتوم"
من بعد ماصورت الأوضاع تصوير"
لاتحسب أنك شي عابر ومعدوم"
في ذمتي حبك يفوق الأساطير"
كني لقيتك بأغنيه لأم كلثوم"
وكني قريتك في رواية شكسبير
من ماضي الأيام ليومك اليوم"
وغلاك عندي ماحصل فيه تغير"
وأنا لك الله ما أقبل البيع والسوم"
ولا أرضى علي ولا عليك المخاسير"
لأني الوحيد اللي على بحرك يعوم"
واللي عرف مرساه في رحلة السير"
لحظه حبيبي قبل يسبقني النوم"
بضم صدرك لين تصبح على خير "

يسلمو اديكي
ويعطيكي الف عافية على جهودك المتميز
كلمات رائعة
(((مع خالص تحياتي)))