شويه نكت على المشرفين(باستثنائي)... بس ربنا يستر ومننطردش

من طرف The General 3/5/2007, 3:11 am

كيفكم ياجماعة - ( يارب تكونو عاملين كفته على الفحم ومعاها شوية سلطه حامية ) علشان ما تعصبوا علي هههههههههه

المهم أنا جيتلكم أقولكم شوية نكت على المشرفين ( ربنا يستر - شكلى هيك برسم على طردى من المنتدى الله يستر)

النكت حصريا على منتديات الأمة كفي نت

أنا بس طالب منكم خدمه
لما انطرد من المنتدى تعملوا مسيرة ومظاهرة وتضغطو عليهم يرجعونى

نبدأ بسم الله

1 - خطيبة مشرف كل ماتتصل بيه تطلعلها رسالة مسجلة - السرفر مشغول حالياً ، حاول فى وقت آخر .

2 - مشرف شغال فى المرور كل مايشوف سيارة مخالفة يديها تقييم سالب .

3 - مشرف كتب كتابه فى موضوع وعمل الحفلة فى قاعة التهانى والمناسبات ووزع على المعازيم تقييمات موجبة

4 - مشرف زعلان من مراته عملها حظر

5 - مشرف عام غطسوه مرة تانية

6 - مشرف خلف توأم إحتفظ بواحد والتانى حطه فى قاعة المكرر

7 - مشرف جاتله فاتورة التليفون كبيرة عملها تعديل

8 - زوجة مشرف نسيت تحط الملح فى الأكل حطلها تقييم سلبى

9 - مشرف زهق من مراته عملها ايقاف

10 - مشرف بيتغزل فى خطيبته وبيقولها إنتى موضوع عمرى ... أنتى مشاركة حياتى .. إنتى كل صلاحياتى ...

11 - مشرف بدو يخطب عضوة قالها ممكن أسجل عندكم فى البيت بس ياريت والدك ميتأخرش عليا فى رسالة التفعيل

12 - مشرف عنده حالة نفسية كل مايكتب موضوع يحذفه

13 - مشرف عاوز يعرف حبيبته بتحبه أو مبتحبوش دخل على القاعة وبدأ يحذف المواضيع واحد ورا التانى ( بتحبنى - مبتحبنيش - بتحبنى - مبتحبنيش )

14 - مشرف عام موظف فى مصلحة حكومية شرط على كل عضو يكتب مشاركة يحط عليها ورقة دمغة

15 - مشرف دخل قاعة المناقشات طلع منها بخمس غرز وإرتجاج فى المخ

16- مشرف دخل قاعة المرأة طلع منها بست اشهر

17 - مشرف دخل قاعة القضايا السياسية قبضوا عليه فى مظاهرة

18- مشرف إختلف مع المشرف عام نقلة مشرف على قاعة المواضيع المكررة

19 - مشرف عاوز يطرد عضو مميز من المنتدى حطله أحد مواضيعه حتتبن حشيش وبلغ عنه

20 - مشرف مردش على موضوع اختفى فى ظروف غامضة .

كان معكم ~*¤®§(الجنرال)§®¤*~

ممنوع النقل أو اللطش إلا باذن كتابى وذكر المصدر