هل نحن جيل فاشل؟؟؟

من طرف ranoosh 17/5/2007, 2:36 pm

كثير مانسمع هذة الايام الناس يقولون عنا:

شباب هذه الأيام مافيهم خير .. الزمان تغير ومش مثل الاول

يا ليت أيام زمان ترجع ... كانوا الناس إخوان ... وكل شي كان له طعم

هذا الكلام كثيرما نسمعه في مجالس الكبار..

دائما يرون أن هذا الجيل لا يصلح لتحمل المسؤولية ..

نحن جيل البلاي ستيشن والفضائيات والنت والكمبيوتر..

وان زماننا هو زمان اللهو والعبث والتسليه فقط..

وأن زماننا في كل أطرافه زمان لا يصلح للمعيشة ..

وانه زمن الاتكال على الغير ..

نسمعهم يتحسرون على أيامهم الماضية ..

ويصفوننا ويصفون زماننا بأمور غريبة ..

فهل نظرتهم صحيحة أم أنها جائرة ؟؟

وهل هم دوما محقين فيما يذهبون إليه ؟

وهل يخلو عصرنا من كل شيء جميل لهذه الدرجة التي يرونها ؟؟؟

اريد ان اسمع ارائكم بعقلانيه

هل فعلا نحن جيل فاشــــــــــل ؟!!!

من طرف **mohyeddin** 17/5/2007, 3:35 pm

ما في شي اسمو جيل فاشل

في انسان ناجح وفي انسان فاشل

وما بحب اللي بيحكم عالكل

وما حد بيقدر انو كتير من شباب هالايام عمل واخترع واشتغل

ولو فكرنا انو الظروف زمان كانت اهون على الناس

واحنا ظروفنا صعبه كتير وبرضو صامدين وعندنا اهداف وطموحات وامال

يسلمو رنوش عالموضوع الرائع

وانا ضد هذه المقوله

من طرف lolo 17/5/2007, 3:49 pm

يسلم تمك يا محيي كلامك صح والله Smile

وانا معك بكلشي بتحكيه Cool

يسلمووووو ايديكي رنوش

موضوع رائــــــــــــع

من طرف ranoosh 17/5/2007, 8:44 pm

صحيح معك حئ محيي كل انسان حسب نجاحو او فشله..
بس عاده الكبار بالعمر دايما بيوصفونا بهالوصف..وصراحه هادا الوصف بيئهرني..
يمكن احنا الظروف اللي حوالينا صعبه سواء التعقيدات السياسيه او الاقتصاديه..
وكلهم بيعزو هادا لالنا..بس طبعا هادا مو صحيح..
شكرا لولو ومحيي لمشاركتكم بالنقاش..
ودمتم بالف خير..وان شاء الله يكون النجاح دائما حليفكم..
هل نحن جيل فاشل؟؟؟ Hiaa

من طرف Sniper Palestine 17/5/2007, 9:38 pm

سؤال وجيه وبوقته

اذا كنا جيل البلايستيشن والكمبيوتر ( اي الجيل الفاشل )فلن نستطيع الاستمرار بالحياة لاكثر من Game Over واحد

لكن اذا كنا بعقلانية نستخدم الكمبيوتر والانترنت سيجد الجميع بأننا الجيل المنتج والمبدع في الحياة لكن ليس على طريقة الاباء والاجداد بل بطريقة اكثر تعقيدا بعتقد انه جيل الشباب على دراية كافية متى واين يستخدم عقله

لكن البعض من هذا الجيل هدم كل شيء بنية في وقت صعب وطويل

مع احترامي لمن يقولون عنا بالجيل الفاشل نعم ااكد نحن جيل فاشل ولن نستطيع بعد اليوم ان نكون جيل فاضل

من طرف ابن نابلس 18/5/2007, 12:08 am

كلام الشباب صحيح
الي خلاه هدول الناس يحكو هيك بكون ما في تفاهم بينا وبينهم تفاهم
وهاي مشكله يا اخوان احنا مش ئادرين نفهمهم وهما كمان مش ئادرين يفهمونا
من هيك بحكو جيل فاشل
شكرا رنوش على موضوعك

من طرف ranoosh 18/5/2007, 12:14 pm

اهلا فيك سنايبر ومشاركتك بالموضوع..
هو صحيح في فئه هدمو كتير من المبادئ والقيم ولكنا ما منئدر نوصف كل جيلنا انو فاشل..رغم ظروفنا الصعبه اللي عشناها..
فاول ما وعينا عليه هو الانتفاضه والرصاصوالخوف..واعتقد ما عشنا براءه الطفوله بادنى معاييرها..
بس بلاش هانظره التشاؤميه بحكيك..
واكيد فينا امل لبكرا احلا..
كل الشكر والاحترام لمرورك

من طرف ranoosh 18/5/2007, 12:17 pm

نورت الموضوع ابن نابلس..
فعلا انا بايد كلامك من صعوبه التفاهم بينا وبين جيل الاباء والاجداد..
وطرق اختلاف التفكير..
وانا كنت بدي افتح موضوع لحالو لنقاش نقطه اختلاف الافكار وعدم التفاهم مع الكبار بالعمر..فكل الشكر لمبادرتك..ودمت بالف خير

من طرف Sniper Palestine 18/5/2007, 4:58 pm

العفو بس بحب اضيف على كلامك اي براءة طفولة هذه

نحكي جد هو كان في مشروع براءة طفولة بس للاسف الوضع اللي عشناه كان سبب كافي ليكون مشروع طفولة فاشل طبعا انا ما بقصد انه نحنا السبب لكن الايدي الطاغية كانت المدمر الرئيسي لهيك براءة

كل الاحترام والتقدير

سنايبر معكم حتى النصر

من طرف ranoosh 18/5/2007, 5:41 pm

اسعدني مرورك مره تانيه سنايبر..
فعلا مو بايدينا انو ظروف حياتنا اللي عشناها دمرت احلا مرحله للانسان وهي الطفوله..وفعلا متل ما انت ئلت كان مشروع طفوله..بس للاسف انسحب مننا..
كل الاحترام والتقدير لالك

من طرف ghanem 18/5/2007, 7:17 pm

يسلمو رنوش على الموضوع الرائع طبعا متل ما قالو الشباب انه ما في جيل فاشل في شخص فاشل وشخص ناجح او مبدع بس هم الي بيحكو على جيلنا فاشل قالو عنهم جيل فاشل من الجيل الي قبلهم
هاي صارت عاده او بنقدر نقول انهم بيتوارثو هاي المقوله بس بتمنى انه جيلنا ما يورثها
مشكوووووووووووووووووووووووووووووووره

من طرف **Tina** 18/5/2007, 11:02 pm

يسلمو رنوش ع الموضوع الملفت و شكرا للجميع ع الردود الرائعة
وببدا بكلام محيي, انو ما بيصير نشمل الكل بالنجاح او الفشل,
في ناس ناجحين ومصرين ع النجاح و ناس مش فارقة معاهم, يعني بايعينها

والظروف الايام هاي المفروض انها تخلي الكل ناجح ومبدع ومميز
بس الشاطر هو اللي بيستغل هاي الفرصة..

وبتوقع انو الوضع اللي بنعيش فيه احنا الفلسطينية ما بيسمح للكل يبدع وينجح
المهم انو الواحد يحاول انو يبدع و ينجح قد ما بيقدر
والله يقدرنا على فعل الخير

موضوع جميل جدا وبتمنى من الجميع انهم يعطوا رأيهم فيه

يعطيكي الف عافية رنوش..

TiNa

من طرف ranoosh 19/5/2007, 11:29 am

اعجبني تعليقك غانم..ونورت الموضوع بردك..
فعلا انا بحس انها مقوله متوارثه انو الكبار دايما يوصفوا الجيل الاصغر بانهم فاشلين..
كل الشكر والاحترام لك..ودمت بالف خير

من طرف ranoosh 19/5/2007, 11:33 am

تينا اسعدني كلامك ومرورك ورايك..
فعلا احنا هاي نظرتنا للواقع اللي منعيشه..
بس للاسف دائما الجيل الكبير بيوصفنا مهما نجحنا اننا جيل فاشل بكل المعايير رغم نجاح نسبه كبيره مننا..
بس عاده بيربطوا طريقه لبس الشباب وشعورهم..وميولهم واحاديثهم..
فما بيحاولوا يسمعونا وبيحكموا علينا بالفشل من لا شيء..
ومتل ما حكا غانم...ان شاء الله احنا ما نتوارثها..ونحكي لاطفالناوالاجيال اللي بعدهم انهم جيل فاشل..
كل الاحترام والتقدير لكل من شارك بالنقاش..وهدا فعلا بيدل على انو جيلنا فيه خير..
ودمتم بالف خير

من طرف Guevara 7/6/2007, 10:25 pm

بصراحة رائي من رائي
سنايبر لان كلامه سليم 100%
وما في عليه حكي
مشكورة رنووووش على الموضوع الرائع

هل نحن جيل فاشل؟؟؟

هل نحن جيل فاشل؟؟؟

رد: هل نحن جيل فاشل؟؟؟

رد: هل نحن جيل فاشل؟؟؟

رد: هل نحن جيل فاشل؟؟؟

رد: هل نحن جيل فاشل؟؟؟

رد: هل نحن جيل فاشل؟؟؟

رد: هل نحن جيل فاشل؟؟؟

رد: هل نحن جيل فاشل؟؟؟

العفو رنووش

رد: هل نحن جيل فاشل؟؟؟

رد: هل نحن جيل فاشل؟؟؟

رد: هل نحن جيل فاشل؟؟؟

رد: هل نحن جيل فاشل؟؟؟

رد: هل نحن جيل فاشل؟؟؟

رد: هل نحن جيل فاشل؟؟؟