لازم ارقص يوم عرسي يعني؟؟؟؟

من طرف **mohyeddin** 19/5/2007, 4:16 pm

الي فتره انا وخطيبتي

نازلين نقاشات

وهي بتحاول تقنع في انو يوم العرس لازم ارقص

لانو لما جبنا سيرة الرقص بالعرس

انا رفضت ارقص

ما بحب الرقص

وخصوصا قدام النسوان

وهي زعلت واخدت على خاطرها

وطبعا انا ما بحب ازعلها ابدا

وبنفس الوقت ما بحب اعمل شي مش مقتنع فيه او ما بحبو

طيب انت او انتي لو كنتو بهاد الموقف شو بتعملو؟؟؟؟

شو الحل برأيكم؟؟؟؟؟

من طرف loka alm7bob 19/5/2007, 5:03 pm

هههههههههههههههههههههههههههههههههههه

زي ما بترقص في المحل بترقص كرمال خطيبتك

هز هز هز

ههههههههههههههههههههههههههههههههههههههههههه

من طرف **mohyeddin** 19/5/2007, 5:45 pm

انو محل الله يخزيك

ال برقص بالمحل قال

ههههههههههههههههههه

انا بورجيك

من طرف Sniper Palestine 19/5/2007, 6:02 pm

يا حبيبي يا محي اسمع نصيحتي

اول شي انا ما خضت هذه التجربة حبيبي

بس بدك نصيحتي ما تعمل شي انت مش مقتنع فيه 100%

زعل خطيبتك انت بتراضيها بمعرفتك وبعتقد انه مش هالشي الكبير لتزعل عليه انت عندك تفكير معين ويفترض انه خطيبتك تقتنع فيه من كلامك انت واسمحلي احكي كلمة لخطيبتك برأيي انه محي صائب بكلامه وانا مقتنع بهذا الشي فكري صح بتلاقي شي عظيم انه يبقى على موقفه

(((مع تمنياتي لك ولخطيبتك بدوام الصحة والعافية )))

بس ما تنسواا تعزمونا عالعرس والف مبروك سلف

من طرف ranoosh 19/5/2007, 8:50 pm

الف مبروك وان شاء الله الله يتمملكم بالف خير..
بس يعني ما فيها شي لو رئصت كرمال خطيبتك ..واذا كنت ما بتعرف ترئص ممكن يعني توئف معها وهي بترئص وتزئفلها..وهيك بتراضيها..
اكيد يعني بحفله العرس بتكون اسعد لحظاتك ولحظاتها..وما في داعي تزعلها من شان هيك شي..
ويعني لو اجيت على حالك وتنازلت شوي..هي بتئدرلك موقفك وما بتنسالك اياها..
والله يكملكم على خير..وبالرفاه والبنين ان شاء الله

من طرف lolo 19/5/2007, 8:50 pm

اها مش غلط يا محيي ارقص ليش لاء شو بدو يصير ازا رقصت يعني

شوفتك رقصت بخطبتك وارقص بالعرس مش غلط

ورد عليها شو يعني ورأيك اكيد مهم عندها وهي مقدره بس برضو العريس

لازم يرقص متل ما ال لوكا متل ما رقصت بالمحل كمان ارقص

خود بروفا مش غلط

تحياتي الك ولخطيبتك

lolo

من طرف **mohyeddin** 19/5/2007, 8:53 pm

لالالالالا

بديش ارقص

ما بحب ارقص يا عمي

من طرف **Tina** 19/5/2007, 9:23 pm

اول شي الف ميروك يا محيي والله يخليكوا لبعض ان شالله
وتاني شي بدي احكيلك عني وعن جوزي ايام ما كنا خاطبين, لأنو القصة بتشبهها
يوم خطبتنا هو ما رقص ووقف زي الاهبل بس يزءف, والكل برم عليه, وقبل العرس قرر أخوي (واللي هو بمثابة اختي, واللي بيعرفوني عارفين اكيد عن مين بحكي) المهم قرر يعلمو الرقص وهو رافض تماما,بس انا هددتو وقلتلو اذا ما بيرقص انا رح اضل قاعدة.. المهم هو طلع بيكذب علي وبيعرف يرقص احسن مني , وزي ما شفت انو لوكا قال انك بتهز, وخد هالنصيحة... انت حكيت انك ما بتحب ترقص قدام النسوان.. بس صدقني اصلا النسوان ما بيفضوا يتطلعوا ع العريس, كل نظرهم بيكون ع الصبايا بشكل عام.. فما تخاف ولا تستحي, واذا عنجد ما بتعرف ترقص, خلي العقرب يورجيك شوي..
وبعدين مش حلوة تزّعل خطيبتك عشان اشي تافه زي هيك... بعدين بتيطل..

الف مبروك ويعطيك الف عافية

TiNa

من طرف **mohyeddin** 19/5/2007, 10:01 pm

لالالا هي م بتقدر تبطل عني هههههههههههههههههه

لهيك انا مستغل هالنقطه ههههههههههههههههههههه

بس انا الرقص من اساسو ما بحبو للرجال

الرقص للبنات

وانا موافق ازا هي ما بدها ترقص ما عندي مشكله

وما راح ارقص يعني ما راح ارقص

من طرف ghanem 20/5/2007, 12:41 am

له له له يا محيي انت ليش هيك عنيد لازم ترقص يعني انا ما بقلك ترقص زي نجوى فؤاد بس لازم ترقص شوي مش مهم كيف انا بقلك حل بسيط اذا ما بدك ترقص كتير اختار اغنيه واعملو عليها بروفا قبل العرس بس على اغنيه وحده او تنتين بالطريقه الي بتعجبك بس اذا بتفوت رقصة ال ( سلو) بتكون ضيعت احلى لحظات بالعرس جد والله انا كنت زيك ما بدي ارقص بس جد لحظات من العمر ما بتتفوت ويا خطيبت محيي انا شكلي راح اكل قتله بس اشوف محيي هههههههه
الله يوفقكم ومبروك سلف وبالرفاه والبنين geek

من طرف Ansam 20/5/2007, 10:47 am

اول شي الف مبروك وتتهنوا يا رب

محي الكل عم يحكي معك ويدلعك وبقولك لأ ارقص
انا ما في عندي دلال
بدك ترقص يعني بدك ترقص
شو اسمه عرسك
شو اسمك عريس
بس عشان اضل قاعد اتشاهد الصبايا وهمه برقصوا

خلص بكفي دلع وبدك ترقص

بعدين هيهم الشباب فضحوك وقالوا انك ما بترقص بتهز
يعني بدك ترقص يوم العرس
وعلى قولت غانم ما تهز متل نجوى فؤاد او فيفي عبده
بس ارقص

تحياتي

من طرف ranoosh 20/5/2007, 11:38 am

ههههههههههههههههههههههههه حلو تعليئك وتهديدك انسام..والله يا عسل انتي..
الرجال ما بيجوا الا بالعين الحمرا ادددددددددددد..
شكلي انا كمان رح اكل اتله ممممممممم
يلا ما تضيع الوئت وابدا تعلم..
لازم ارقص يوم عرسي يعني؟؟؟؟ 106

من طرف **mohyeddin** 20/5/2007, 12:13 pm

مممممممممممممممممممممممممممممممم

مهو قلتلها برقص سلو

اما رقص هبل ما بدي

وبعدين امها موافقه على رأيي يعني حماتي واقفه بصفي

ومنورين جميعا

وبارك الله فيكم وعقبال عند العايزين ...على قولة ستي

وبرضو ما اظن اني راح ارقص ههههههههههههههههه

من طرف ~$أبو جيمي$~ 20/5/2007, 5:58 pm

نعم يخي شو مالك بدكش ترقص بعرسك شو ليش مسوي فرح بس علشان تتفرج على العالم انت ازا ما بترقص
لازم يدخلوا اخوتك يرقصوك غصبن عنك وبعدين شو مش مقتنع في ما انت بترقص في المحل معنا انا وسلوم يعني بلاش فضايح وصل معلومه لخطيبتك انو ازا ما رقصت
تعمل تلفون لأخوتك يجي يخلوك ترقص غصبن عنك والله عال مسوي عرسوا وبدوش يرقص الى سلو وانت شاطر بالهز والرقص كمان bounce

سلام تنساش ترقص ديسكوا What a Face

من طرف Sniper Palestine 21/5/2007, 2:27 am

لا صدقا مش خبرية يا محي

طيب يا سيدي بما انك بتهز على الوحدة ونص متل ما افهمت ولليش موجع راسنا بهالموضوع يا اخي ارقص وخلص وانا ببلغ الشباب عندك جميعا دون استثناء اذا ما رقص بعرسة بس اعملولي مس كوول وانا باجي والله لخليك ترقص غصب عنك وانا اللي بحكي طلع معي واحد بهالعالم مقتنع بشي خذلتني يا محي الله يسامحك احكيلك بديش تعزمني بعرف من الشباب والصبايا الطيبين متى عرسك وبجيك ارقصك بس ما تفكر برضاك لا لا لا ولا بالعصاه يا صديقي

اكيد بالامل يعني ما بتوقع تتحمل اشوية دغدغة ورح تشوف حالك بترقص على الوحدة ونص وبتخلع ولا نجوى فؤاد في حياتها

بردو انخذلت وصفيت الوحيد بالعالم يا نيالي دايما محتل الصدارة انا بهالعالم

مبروك وما تزعل من كلامي بمزح معك بس بوعدك لتخلع اكتر من اي رقاصة هزت بحياتها

لازم ارقص يوم عرسي يعني؟؟؟؟ 300px-TangoCouple

الف الف مبروك

اخوك سنايبر

من طرف Sniper Palestine 21/5/2007, 2:39 am

يا خي هز هيك وريحنا وخلص فضها سيرة

هي دليل في احدى اضعف مخلوقات الله نازلة تهز

من طرف **mohyeddin** 21/5/2007, 11:28 am

ههههههههههههههههههههههههههههههههههههههههههه

احلى سناير والله

بس برضو مين قال اني بدي ارقص

لالا انا مصمم ما رح ارقص

من طرف Ansam 21/5/2007, 11:49 am

اي لأ زودتها يا محي

انا ما بعرف برج الجوزاء عنيدين

بس بما انك برج الجوزاء بحب ابشر خطيبتك انك اضل على رأيك بانك ما ترقص

بس يوم العرس ما الاغاني والموسيقى رح تلاقي حالك غصب عنك بترقص وبتهز كمان

انا بقول لخطيبتك الله يعينيك عليه

هاد محي كل ساعة بعقل وبضل يفكر ومن قد مابفكر ومخه بضل يجيب ويودي عندو ميت عقل

لانه كل لحظة بفكرة وكل ثانية بنتيجة عن الفكرة والنتيجة تاعت الفكرة الاولى بتودي للفكرة التانية والفكرة التانية بترجعه على الاولى وبتدوديه على التالته

وطول نهاره على هالحالة

خليك هلأ مقتنع بفكرة ما ترقص

وانا متأكدة رح الشباب يتصلوا في يقولولي محي عم يهز بعرسه

تحياتي

من طرف lolo 21/5/2007, 2:46 pm

ههههههههههههههههههههههههههههههههههههههههههههههههههههههههه محيي اقنعي انو ما يرقص بس انا هلاء مش مقتنعه ومش داخله راسي اول شي ابووديع بيحكي انو بيهز وابو جيمي بيحكي انو بيرقص معو بالمحل هوة وسلوم هههههههه ورأي غانم صح ما ترقص متل نجوى فؤاد هههه ابوا سنايبر انت اول المعازيم ولا يهم عيونك ميرسي يا صبايا على ارائكم الحلوة ويا انسام انتي كمان لازم تعزمي مع محيي وراح تيجي قبل الكل وتينا ورنوش كمان بتنورونا

وجيبو رضا كمان لانو متل ما سمعت عامل دورات للرقص هههه

بدك ترقص ما دخلني

اهلا وسهلا فيكم كلكم

من طرف Sniper Palestine 21/5/2007, 3:40 pm

رادوني شعور انه انت الخطيبة ومتل ما افهمت من كلامك بالرد لسابق

بتمنالكم التوفيق بحياتكم وبالرفاه والبنين واتاكدي اني رح اكون اول الواصلين انا ورضا عشان نعطي بروفة لمحي قبل العرس

واتاكدي لما يشوفك محي ببدلة العرس ما رح يقاوم ورح يصير يهز لحاله بما انه رقيص طلع

قال ايش مصمم ما بدي ارقص يا اخي اتخيل حالك بالمحل نازل تهز وخلص ما تهتم بالناس اي نعم بس ينتهي العرس بتبلش تعليقات النسوان عليك وعلى عروستك بس ما تهتم الدنيا دوارة

بالرفاه والبنين والسعادة بحياتكم يا رب

من طرف بيان 28/5/2007, 3:35 pm

السلام عليكم ليش بهمكم راي الناس و ابتنسو كلام الله لانه اصلا دخول العريس على الصاله حرام لانه اختلاط كيف ازا رقص العريس مع العروس و خاصه رقصت ال سلو ، بلاش تدخل على الصاله احسن لآخرتك شو بدك في متعت الدنيا ................ومبروك ................سلام

من طرف Sniper Palestine 28/5/2007, 4:03 pm

هلا بيان بنرحب فيكيي عضوة جديدة

كلام جميل بس ربنا ما حرم الفرح والرقص نوع من البهجة والسرور

غريبة هذه من وين جبتيها انه ربنا حرم الرقص اول مة بسمع فيها

وبنرحب فيكي بالمنتدى وبانتظار مواضيعك

من طرف مصعب ابراهيم 5/6/2007, 10:29 pm

مشكورين وانا بقول يوم الحفلة بين الرجال ارقص قد
ما بدك بس بلا بين هالنسوان

من طرف lolo 7/6/2007, 5:28 pm

الله يخليك يا اخ سنايبر والله انك بتفهم يا هيك الكلام يا بلاش

الله يسامحك يا مصعب انا قلت هلاء بيحكي لمحيي ارقص

يعني شو فيها لو رقص شو بدو بالنسوان

ملاحظه اللي بيحكي لمحيي ما ترقص راح يشوووووووووووووووووف انا بدبروا

مع خالص حبي وتحياتي لجميع الاعضاء اللي راح يحكو لمحيي ارقص

وما بدي اي تحريف منكم واي كلام وتروحو تجيبولي قصص وكلام

انو العريس مش لازم يرقص لانو كل هالكلام ما دخلني فيه

انا بعرف انو كل عريس لازم يرقص ولا هلاء على بختي

بطـــــــل يرقص والله هادا الحكي

lolo

من طرف Guevara 7/6/2007, 9:38 pm

خلص يا اخ محيي ارقصلك شوي ما تكتر يعني على القليلة لفلك لفتين
عشان ترضي خطيبتك وعشان ما يكون في بينكم زعل عشان موضوع صغير
لسة الحياة قدمكم وانشا الله ما بتشوفو مشاكل

لازم ارقص يوم عرسي يعني؟؟؟؟

لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

الف مبروك يا لولو

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟

رد: لازم ارقص يوم عرسي يعني؟؟؟؟